طب عظیمؒ -- 7

 طب  عظیمؒ  

نظر کی کمزوری ...

                           نظر کی کمزوری باریک کام کو مسلسل دیکھنے ، پڑھنے یا روشنی کا مناسب انتظام نہ ہونا ، کتاب کا آنکھوں سے مناسب درمیانی فاصلہ نہ رکھنے سے ہوسکتی ہے - اگر ڈاکٹر عینک تجویز کریں تو اسے لگائیں اور ساتھ ساتھ حضور بابا صاحبؒ کا بیان کردہ یہ عمل کیجئے ...

حنظل کو چھیل کر اس کا گودا نکالیں اور پانی کے ساتھ ایسے برتن میں رکھیں جس میں آپ کے دونوں پیر آسانی سے آجائیں تھوڑی تھوڑی دیر کے بعد پیروں سے اسے دباتے رہیں کچھ عرصہ تک یہ عمل کریں -

گنج پن دور کرنے کے لئے ... 

                                       گنج پن دور کرنے کے لئے حضور بابا صاحبؒ  یہ نسخہ تجویز فرماتے ہیں ...

استعمال شدہ چائے کی پتی کو خشک کرکے باریک پیس لیں اور پھر پانی میں ڈال کر اس قدر جوش دیں کہ پانی میں اس کا رنگ شامل ہوجائے اس میں تلوں کا تیل ملا کر حل کرلیں اور متاثرہ جگہ پر مالش کریں -



اولاد نہ ہونا ... 
                        بابا صاحبؒ نے اولاد ہونے کے لئے یہ عمل تجویز فرمایا ہے ...

 خالی پانی ایک لہسن کی گرہ اور ریٹھے کی گری کا سفوف تھوڑا سا چبا کر نگل لیں - ایام جس روز سے شروع ہوں - اس طرح تین ماہ متواتر استعمال کریں - 

ایام کی بےترتیبی ... 
                            ہلدی کی ایک گرہ لے کر باریک پیس کر پاؤڈر بنالیں اور اسے صبح یا شام ایک پاؤ دودھ کے ساتھ پی لیں - 


بالوں کا گرنا ...   
                     تلوں کے خالص تیل میں عرق ادرک ہم وزن لے کر دونوں اجزاء کو پکا لیں جب عرق جل جائے اور تیل باقی رہ جائے تو اس کو اتار لیں اور سر میں ہلکے ہاتھ سے مالش کریں -



گردہ کی پتھری ... 
                        خربوزے کا موٹا چھلکا کاٹ لیں - پانی میں ڈال کر ابال لیں اور اس کا پانی وقفہ وقفہ سے پیتے رہیں یا پھٹکری گرم توے پر رکھیں وہ پھول جائے گی - اس پھولی ہوئی پھٹکری کی ایک خوراک تین ماشہ صبح نہار منہ کھائیں -

 اگر اس سے فائدہ نہ ہو تو پھر بغیر پھولی ہوئی پھٹکری تھوڑی سی کھلا دیں -

برص ... 
              یہ مرض بظاہر کسی جسمانی تکلیف کا باعث نہیں بنتا لیکن یہ دھبے انسان کی شخصیت کو ضرور متاثر کرتے ہیں اس کے علاج کے لئے مہندی کے سات عدد پتے لیں اور ہلدی ہم وزن لے کر دونوں کو ملا کر پیس کر گولی بنالیں اور پانی سے کھائیں - کم از کم چالیس روز تک یہ عمل کریں -   



نشہ کی عادت ... 
                       چرس اور افیون کا نشہ چھڑانے کے لئے حضور بابا صاحبؒ نے یہ نسخہ تجویز فرمایا ہے ...

 نیلی شیشی میں شوگر آف ملک یا  گلوکوز بھر کر چالیس روز دھوپ میں رکھیں اور چالیس روز بعد مریض کو ایک ایک چمچہ صبح ، دوپہر اور شام کھلائیں - 

گیس اور سینے کے امراض ... 
                                         کھانسی ، تھوک اور بلغم کی زیادتی ، گیس کے امراض ، کلیجے پر بھاری پن ، سانس پھولنا ، سانس رک رک کر آنا دل یا جسم میں جھٹکے محسوس کرنا ان تمام امراض کا نہایت ہی آسان نسخہ  قلندر بابا اولیاؒء نے تجویز فرمایا ہے ...

عمدہ قسم کی ہینگ ایک ماشہ دونوں وقت سالن ، دال یا ترکاری میں ڈال کر کھائیں چھ ماہ یہ معمول جاری رکھیں انشاء الله تمام جملہ شکایات رفع ہوجائیں گی - 

 مرتبہ ... سید نعمان ظفر عالم  
  روحانی ڈائجسٹ ... جنوری ، فروری 2003ء