ارشادات ، واقعات ، تعلیمات اور طرز فکر
خواجہ صاحب بڑے حضرت جی ابوالفیض قلندر علی سہروردیؒ کا ایک واقعہ سناتے ہوئے فرماتے ہیں کہ.....
ایک بار وہ (بڑے حضرت جی ) کراچی میں گدھا گاڑی کی ریس دیکھنے گئے ..... وہاں دوڑ شروع ہونے سے پیشتر کسی سے کہا کہ وہ فلاں گاڑی اول آئے گی اور جب وہی گاڑی دوڑ میں آگے نکلنے لگی تو خوشی سے اچھل پڑے ..... تالیاں بجا بجا کر کہتے تھے ، دیکھا میں نہ کہتا تھا کہ یہی گاڑی جیتے گی -
فرمایا دراصل یہ لوگ بچوں ہی کی طرح ہوتے ہیں ، ان میں تصنع اور بناوٹ بالکل نہیں ہوتی جب بناوٹ ہوگی تو بچپنا نہیں آسکتا -
پھر ایک واقعہ قلندر بابا اولؒیاء کا سنایا ..... ایک بار وہ کچھ ساتھیوں کے ساتھ کہیں جا رہے تھے بس دیکھی تو دوڑ پڑے اور خالی نشستیں پکڑ کر ہاتھ ہلا ہلا کر بچوں کی طرح سب کو بلانے لگے کہ جلدی سے آجائیں -
عظیمی صاحب مزید بیان کرتے ہیں.....
ایک مرتبہ حضورقلندر بابا اولؒیاء نے فرمایا تھا ..... " اگر آپ گاڑی چلا رہے ہوں اور راستے میں سامنے سے بھینس آجاۓ تو گاڑی روک لو اور اگر کوئی عورت سامنے آجاۓ تو بھی گاڑی روک لو کہ ان کا کچھ پتہ نہیں کہ یہ آگے بڑھیں گی ،رک جایئں گی یا واپس پلٹیں گی "-
کوئی تبصرے نہیں:
ایک تبصرہ شائع کریں