ہر شئے میں الله نظر آتا ہے

                        کشف   و   کرامات 

     ایک دفعہ آدھی رات کو میں حضور قلندر باباؒ کی کمر دبا رہا تھا اور بابا صاحبؒ  قرآن پاک کی آیت میں الله تعالیٰ کی بیان کردہ حکمت مجھے سمجھا رہے تھے - بابا صاحبؒ نے مجھ سے ارشاد فرمایا کہ فلاں آیت پڑھو -

 میں نے تلاوت کی - پھر فرمایا .. " اس آیت کا سات بار ورد کرو - " ساتویں مرتبہ جب میں نے اس آیت کو پڑھا تو نظروں کے سامنے سے پردہ ہٹا اور یہ بات مشاہدے میں آئی کہ هر شئے میں الله بستا  ہے  - دیوار کی طرف نظر اٹھی تو یہ دیکھ کر حیرت میں ڈوب گیا کہ دیوار فی نفسہ کوئی حیثیت نہیں رکھتی - اس دیوار کو الله تعالیٰ سنبھالے ہوئے ہیں -

غسل خانے میں جا کر ٹونٹی کھولی تو یہ بات مشاہدے میں آئی کہ نلکے سے بہنے والے پانی میں بھی خدا ہی جلوہ گر ہے - مسلسل اور لگاتار اڑتالیس گھنٹے اس مشاہدے کے بعد مجھ پر استغراق طاری ہوگیا - بابا صاحبؒ  نے پھر توجہ کی اور آہستہ آہستہ یہ کیفیت معمول پر آگئی - 

کتاب ... تذکرہ قلندر بابا اولیاؒء ... مصنف ---  خواجہ شمس الدین عظیمی