پیش گوئی

 کشف   و   کرامات 

  الله تعالیٰ کے نظام ہائے تکوین سے متعلق گفتگو کے دوران ایک مرتبہ حضور بابا صاحبؒ نے ایک بچہ کی ولادت کی پیشین گوئی کی جس کو جون 1960ء میں پیدا  ہونا تھا - جون 1960ء کی تاریخ آئی تو میں نے دوبارہ استفسار کیا ، جس کے جواب میں مجھے بتایا گیا وہ بچہ عالم ارواح سے عالم ناسوت میں آگیا ہے -

جب یہ چالیس سال کی عمر کو پہنچے گا تو دنیا کے تمام مذاہب میں ایک انقلاب برپا کردے گا - مذاہب کی گرفت ٹوٹ جائے گی اور وہ خالص مذہب باقی رہے گا جس کو الله تعالیٰ نے دین حنیف قرار دیا ہے -

 سائنس کی بڑی بڑی ایجادات کے فارمولے اسے ازبر ہوں گے -سائنسدان اور دانشور اس کی علمی فضیلت سے لرزہ براندام ہوں گے جب کہ اس کی تعلیم زیادہ نہیں ہوگی - اس کی روحانی قوت کا یہ عالم ہوگا کہ اس کی نگاہ کے اشارے سے ہواؤں کا رخ بدل جائے گا -

 امن و سکون کی متلاشی نوع انسان اس کے ارد گرد اس طرح جمع ہوجائے گی جس طرح شمع کے گرد پروانے - یہ بچہ فخر عالم ، سیدنا حضورعلیہ الصلوٰة والسلام کا وارث ہوگا -

کتاب ... تذکرہ قلندر بابا اولیاؒء ... مصنف ---  خواجہ شمس الدین عظیمی