حضرت محمّد عظیمؒ کی مختلف شخصی خصوصیات کا تذکرہ خواجہ شمس الدین عظیمی اس طرح کرتے ہیں -
قلندربابا اولیاؒء کی طبیعت میں بہت نفاست اور نظم تھا -روزمرّہ کی چیزوں میں سے کوئی چیز جگہ سے بے جگہ ہوجاتی تو طبیعت پر گراں گزرتی -آپ حسن اخلاق کا ایک سراپا تھے -آپ کی طبیعت میں سادگی کے ساتھ ایک خاص وقار نمایاں تھا -
آپ لوگوں کی پریشانی میں ان کی دل جوئی کرتے ، دوسرے کی تکلیف کو اپنی تکلیف اور دوسرے کے درد کو اپنا درد سمجھتے اور نہ صرف سمجھتے بلکہ دوسرے شخص کی توقع سے کہیں زیادہ بڑھ کر اس کا دکھ بانٹتے -
آپؒ کے بچپن کے ایک ساتھی جناب سید نثار علی بخاری فرماتے ہیں ......
بچپن کے حالات میں یہ بات زیادہ اہم ہے کہ قلندر باباؒ کی کبھی کسی سے لڑائی نہیں ہوئی -دوسری بات یہ کہ ہم عمر ساتھی قلندر باباؒ کا احترام کرتے تھے کیونکہ آپ خود اپنے ہم عمر اور کم عمر ساتھیوں سے آپ جناب کے ساتھ گفتگو کرتے تھے جس کی وجہ سے ان کے ساتھی بھی ادب و احترام کرتے تھے -
محمّد عظیمؒ ذہین ،حلیم الطبع ، مخلص ، وسیع المعلومات ،خلیق سخن سنج تھے -کوئی ملاقاتی یا دوست آپ کے پاس آتا تو ممکنہ حد تک خاطر مدارات کرتے -بڑے اطمینان سے اس کی بات سنتے -
اپنے حلقہ احباب میں خاص طور پر اور عام افراد میں عام طور پر نہایت عزت و وقار کے مالک مانے جاتے تھے -بہت مقبول اور ہر دلعزیز تھے -اپ جس جگہ تشریف لے جاتے لوگ آپ کی رفاقت میں خوشی محسوس کرتے -
کوئی تبصرے نہیں:
ایک تبصرہ شائع کریں