ابدال حق حضور قلندر بابا اولیاء سیدنا حضور علیہ الصلوة والسلام کے آسمان علم و آگاہی میں ایک ایسا درخشندہ ستارہ ہیں جن کے بارے میں حضور اکرم صلی الله علیہ وآ له وسلّم کا ارشاد ہے :
" میں اپنے بعد الله کی کتاب اور اپنی اولاد چھوڑ کر جا رہا ہوں "
نورانی لوگوں کی باتیں بھی روشن اور منور ہوتی ہیں -زندگی میں ان کے ساتھ ایک لمحے کا تقرب سو سالہ طاعت بے ریا سے افضل ہے اور عالم قدس میں چلے جانے کے بعد ان کی یاد ہزار سالہ طاعت بے ریاسے اعلیٰ اور افضل ہے کہ ایسے مقرب بارگاہ بندوں کے تذکرے سے آدمی کا انگ انگ الله تعالیٰ کی قربت کے تصّور سے رنگین ہوجاتا ہے
ارشاد باری ہے :
اے نبی صلی الله علیہ وآ له وسلّم گزشتہ رسولوں کے واقعات اس لئے آپ صلی الله علیہ وآ له وسلّم کے سامنے بیان کرتے ہیں تاکہ آپ صلی الله علیہ وآ له وسلّم کے قلب کو سکون حاصل ہو اور آپ صلی الله علیہ وآ له وسلّم کا قلب قوی ہوجاۓ -(سورہ ھود -آیت ١٢٠ )
لازوال ہستی اپنی قدرت کا فیضان جاری و ساری رکھنے کے لئے ایسے بندے تخلیق کرتی رہتی ہے جو دنیا کی بے ثباتی کا درس دیتے رہتے ہیں -خالق حقیقی سے تعلق قائم کرنا اور آدم زاد کو اس سے متعارف کرانا ان کا مشن ہوتا ہے -
کوئی تبصرے نہیں:
ایک تبصرہ شائع کریں